കേരള ബ്ലാസ്റ്റേഴ്സ് പരിക്കേറ്റ അഡ്രിയാൻ ലൂണക്ക് പകരം സൈൻ ചെയ്ത വിദേശ താരം ഫെഡോർ സെർനിച് ഒഡീഷയിൽ നടക്കുന്ന സൂപ്പർ കപ്പിൽ കളിക്കില്ല. സൂപ്പർ കപ്പ് കഴിഞ്ഞ് മാത്രമെ താരം ടീമിനൊപ്പം ചേരു എന്ന് ദേശീയ മാധ്യമമായ ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. ലിത്വാനിയ ദേശീയ താരം ഫെഡോർ സെർനിചിന്റെ സൈനിംഗ് ഇന്നാണ് കേരള ബ്ലാസ്റ്റേഴ്സ് പ്രഖ്യാപിച്ചത്‌. സൂപ്പർ കപ്പിൽ ബ്ലാസ്റ്റേഴ്സ് ഇന്ന് അവരുടെ ആദ്യ മത്സരം കളിക്കുകയും വിജയിക്കുകയും ചെയ്തിരുന്നു.
32കാരനായ താരം ഫോർവേഡ് താരമാണ്. അറ്റാക്കിൽ പല പൊസിഷനിലും കളിക്കാൻ കഴിവുഌഅ താരമാണ്. അവസാനമായി സൈപ്രസ് ക്ലബായ എ ഇ എൽ ലിമസോളിനായാണ് കളിച്ചത്. മുമ്പ് റഷ്യൻ ക്ലബായ ഡൈനാമോ മോസ്കോയ്ക്ക് ആയും കളിച്ചിട്ടുണ്ട്. പോളണ്ട്, ബെലറൂസ് എന്നിവിടങ്ങളിലെ ക്ലബുകൾക്ക് ആയും കളിച്ചിട്ടുണ്ട്.
ലിത്വാനിയ ദേശീയ ടീമിനായി 82 മത്സരങ്ങളോളം അദ്ദേഹം കളിച്ചിട്ടുണ്ട്. ലിത്വാനിയ ദേശീയ ടീമിന്റെ ക്യാപ്റ്റൻ ആം ബാൻഡും അണിഞ്ഞിട്ടുണ്ട്.
