അങ്ങനെ എഫ് സി ഗോവയുടെ ജൈത്രയാത്രക്ക് അവസാനം. ഇന്ന് സൂപ്പർ കപ്പ് ഗ്രൂപ്പ് ഡിയിലെ അവസാന മത്സരത്തിൽ ഒഡീഷ രണ്ടിനെതിരെ മൂന്ന് ഗോളുകൾക്ക് എഫ് സി ഗോവയെ തോൽപ്പിച്ചു. ഈ വിജയത്തെ ഗ്രൂപ്പ് ചാമ്പ്യന്മാരായി അവർ സെമിയിലേക്കും മുന്നേറി. ഇന്ന് ആദ്യ പകുതിയിൽ ഗോൾ ഒന്നും പിറന്നിരുന്നില്ല. രണ്ടാം പകുതിയുടെ തുടക്കത്തിൽ ഒരു പെനാൾട്ടിയിലൂടെ ആയിരുന്നു ഒഡീഷ ലീഡ് എടുത്തത്.
61ആം മിനുട്ടിൽ മൊർട്ടാഡ് ഫാൾ അവരുടെ ലീഡ് ഇരട്ടിയാക്കി. അധികം വൈകാതെ 66ആം മിനുട്ടിൽ വീണ്ടും ഫാളിന്റെ ഫിനിഷ്. സ്കോർ 3-0. ഇതിനു ശേഷം ഗോവ ഉണർന്നു കളിച്ചു എങ്കിലും വൈകിപ്പോയി. അവർ 75ആം മിനുട്ടിലും 86ആം മിനുട്ടിലും കാർലോസ് മാർട്ടിനസിലൂടെ ഗോളുകൾ മടക്കി. സ്കോർ 3-2 എന്നായി എങ്കിലും സമനില ഗോളിലേക്ക് അവർക്ക് എത്താൻ ആയില്ല.
ഈ വിജയത്തോടെ ഒഡീഷ 9 പോയിന്റുമായി ഒന്നാം സ്ഥാനത്ത് ഫിനിഷ് ചെയ്തു. സെമി ഫൈനലിൽ മുംബൈ സിറ്റി ആകും അവരുടെ എതിരാളികൾ.