ഇന്റർനാഷണൽ ചാമ്പ്യൻസ് കപ്പിൽ റോമയെ സ്പർസ് 4-1 ന് തകർത്തു. ലൂകാസ് മോറ, ഫെർണാണ്ടോ യോറന്റെ എന്നിവരുടെ ഇരട്ട ഗോളുകളാണ് ഇംഗ്ലീഷ് ടീമിന് ജയം ഒരുക്കിയത്. പാട്രിക് ശിക്കാണ് റോമയുടെ ഏക ഗോൾ നേടിയത്.
മത്സരത്തിന്റെ തുടക്കത്തിൽ തന്നെ റോമ ലീഡ് നേടിയെങ്കിലും സ്പർസിന്റെ ശക്തമായ തിരിച്ചു വരവാണ് പിന്നീട് കണ്ടത്. മൂന്നാം മിനുട്ടിൽ ശിക്ക് ഗോൾ നേടിയപ്പോൾ 9,18 മിനുട്ടുകളിൽ ഗോൾ നേടി യോറന്റെ സ്പർസിന് ലീഡ് സമ്മാനിക്കുകയായിരുന്നു. പിന്നീടാണ് ജനുവരിയിൽ ടീമിൽ എത്തിയ ബ്രസീലിയൻ താരം മോറയുടെ രണ്ട് ഗോളുകൾ പിറന്നത്. 28, 44 മിനുട്ടുകളിലായിരുന്നു താരത്തിന്റെ ഗോളുകൾ പിറന്നത്.
രണ്ടാം പകുതിയിലും റോമക്ക് കാര്യമായി ഒന്നും ചെയ്യാനാവാതെ വന്നതോടെ സ്പർസ് ജയം ഉറപ്പിക്കുകയായിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
