ടീമിന്റെ മുഖ്യ പരിശീലകനായി റൂബൻ സെല്ലസ് സ്ഥാനം ഒഴിയുന്നതായി സതാംപ്ടൺ ഫുട്ബോൾ ക്ലബ് ഔദ്യോഗികമായി അറിയിച്ചു. ക്ലബ് മാനേജ്മെന്റും സെല്ലസും തമ്മിലുള്ള ചർച്ചകൾക്കും ശേഷമാണ് തീരുമാനം. സതാംപ്ടന്റെ ലീഗിലെ അവസാന മത്സരത്തിൽ അവർ ലിവർപൂളിനെ നേരിടാൻ ഇരിക്കുകയാണ്. ആ മത്സരത്തോടെ സെല്ലസിന്റെ കാലാവധി അവസാനിക്കും. ഫെബ്രുവരിയിൽ ആയിരുന്നു സതാമ്പ്ടൺ സെല്ലസിനെ നിയമിച്ചത്. എന്നാൽ അദ്ദേഹത്തിനും ടീമിനെ റിലഗേഷനിൽ നിന്ന് രക്ഷിക്കാൻ ആയില്ല.
സതാംപ്ടൺ എഫ്സിയുടെ പുതിയ ഹെഡ് കോച്ചാകാൻ റസ്സൽ മാർട്ടിൻ ആകും എത്തുന്നത്. ചാമ്പ്യൻഷിപ്പിൽ നിന്ന് തിരികെ അവരെ പ്രീമിയർ ലീഗിലേക്ക് തിരികെ എത്തിക്കുക ആകും പുതിയ പരിശീലകന്റെ ആദ്യ ചുമതല.
