കൊയപ്പ സെവൻസ് സെമിയുടെ ആദ്യ പാദത്തിൽ സബാൻ കോട്ടക്കലിനെതിരെ 2-1 ന് നിർണായക ജയം സ്വന്തമാക്കി ലിൻഷാ മണ്ണാർക്കാട്. മാക്സ്വെലിന്റെ ഇരട്ട ഗോളുകൾ ആണ് ലിൻഷ മണ്ണാർക്കാടിന് ജയം നൽകിയത്‌. നാലാം മിനിറ്റിൽ സലിവുവിന് അസിസ്റ്റിൽ നിന്നായിരുന്നു മാക്‌സ്‌വെല്ലൊന്റെ ആദ്യ ഗോൾ. 1-0ന്റെ നേരിയ ലീഡുമായി ഹാഫ് ടൈമിലേക്ക് പോയ ലിൻഷ രണ്ടാം പകുതി പുനരാരംഭിച്ചതിന് തൊട്ടുപിന്നാലെ ലീഡ് ഇരട്ടിയാക്കി. ഇത്തവണ ആദിലിന്റെ അസിസ്റ്റിൽ നിന്നായിരുന്നു മാക്സ്വെലിന്റെ ഗോൾ.
51-ാം മിനിറ്റിൽ ഷമീൽ നേടിയ ഗോൾ സബാൻ കോട്ടക്കലിന് പ്രതീക്ഷ നൽകിയെങ്കിലും, ലിൻഷാ മണ്ണാർക്കാട് വിജയം ഉറപ്പിച്ചു. ഫെബ്രുവരി 14 ന് ആകും സെമി ഫൈനലിന്റെ രണ്ടാം പാദം നടക്കുക.
