കൊയപ്പ സെവൻസ് ടൂർണമെന്റിന്റെ നാലാം ദിനം ലിൻഷാ മണ്ണാർക്കാടും ഉഷ തൃശ്ശൂരും തമ്മിൽ ഇഞ്ചോടിഞ്ച് പോരാട്ടമാണ് നടന്നത്. ഒടുവിൽ, എതിരാളികളെ 1-0ന് തോൽപ്പിച്ച് ലിൻഷാ മണ്ണാർക്കാട് വിജയികളായി.
ഫ്രാങ്ക്ലിൻ സൃഷ്ടിച്ച അവസരം മാക്‌സ്‌വെല്ലിലൂടെ ഗോളായി മാറിയതോടെ 4-ാം മിനിറ്റിൽ തന്നെ ലിൻഷാ മണ്ണാർക്കാട് ഇന്ന് കൊയപ്പയിൽ മുന്നിലെത്തി. ഉഷ തൃശൂർ ഏറെ ശ്രമിച്ചു എങ്കിലും മറുപടി ഗോൾ കണ്ടെത്താനായില്ല. കൊയപ്പ ടൂർണമെന്റിൽ ലിൻഷാ മണ്ണാർക്കാടിന്റെ രണ്ടാം വിജയമാണിത്, ആദ്യ റൗണ്ടിൽ ജവഹർ മാവൂരിനെ 4-0ന് പരാജയപ്പെടുത്തിയാണ് ലിൻഷ രണ്ടാം റൗണ്ടിൽ എത്തിയത്. നാളെ കൊയപ്പയിൽ നടക്കുന്ന മത്സരത്തിൽ അൽ മദീന സബാൻ കോട്ടക്കലിനെ നേരിടും.
Story Highlight: Linsha Mannarkkad Continues Winning Streak at Koyappa Sevens with 1-0 Defeat of Usha Thrissur
