മുസാഫിർ എഫ് സി അൽ മദീന ചെർപ്പുള്ളശ്ശേരിയുടെ കിരീടത്തിനായുള്ള കാത്തിരിപ്പിന് അവസാനം. കുന്നംകുളം അഖിലേന്ത്യാ സെവൻസ് കിരീടം ഇന്ന് ഉഷാ എഫ് സി തൃശ്ശൂരിനെ കീഴടക്കി അൽ മദീന ചെർപ്പുള്ളശ്ശേരി സ്വന്തമാക്കി. പെനാൾട്ടി ഷൂട്ടൗട്ടിലായിരുന്നു അൽ മദീന ചെർപ്പുള്ളശ്ശേരിയുടെ വിജയം.
നിശ്ചിത സമയത്ത് ഇരുടീമുകൾക്കും ഗോൾ കണ്ടെത്താൻ കഴിഞ്ഞിരുന്നില്ല. തുടർന്ന് പെനാൾട്ടി ഷൂട്ടൗട്ടിൽ എത്തിയ മത്സരത്തിൽ 5-4ന് മദീന ജയിക്കുക ആയിരുന്നു. മദീനയുടെ സീസണിലെ ആദ്യ കിരീടമാണിത്. സീസണിലെ രണ്ടാം ഫൈനലും. ആദ്യ ഫൈനലിൽ കൊപ്പത്ത് കിരീടം നഷ്ടമായിരുന്നു. കഴിഞ്ഞ സീസണിൽ ഏറ്റവും കൂടുതൽ കിരീടം നേടിയ ടീമാണ് അൽ മദീന.
എഫ് സി തൃക്കരിപ്പൂരിനെ എതിരില്ലാത്ത രണ്ടു ഗോളുകൾക്ക് എഫ് സി തൃക്കരിപ്പൂരിനെ തോൽപ്പിച്ചാണ് അൽ മദീന ചെർപ്പുള്ളശ്ശേരി ഫൈനലിൽ എത്തിയത്.
കൂടുതൽ കായിക വാർത്തകൾക്ക് : www.facebook.com/FanportOfficial
