ഇറ്റാലിയൻ സീരി എയിൽ ക്ലബ് പ്രസിഡന്റ് ലോറ്റിറ്റോക്ക് ശക്തമായ മുന്നറിയിപ്പ് നൽകി ലാസിയോ പരിശീലകൻ മൗറീസിയോ സാറി. സ്റ്റേഡിയം ഗ്രൗണ്ടിലെ മോശം അവസഥ ചൂണ്ടിക്കാട്ടി ആണ് സാറിയുടെ മുന്നറിയിപ്പ്. ഇത്തരം മോശം ഒരു ഫുട്‌ബോൾ പിച്ചിൽ പരിശീലിപ്പിക്കാൻ തനിക്ക് ആവില്ലെന്ന് തുറന്നടിച്ചു സാറി.
ഒന്നുങ്കിൽ വേറെ എവിടെയെങ്കിലും കളിക്കുക ഇല്ലെങ്കിൽ വേറെ പരിശീലകനെ ലാസിയോക്ക് ആയി നോക്കുക എന്ന ശക്തമായ മുന്നറിയിപ്പ് ആണ് സാറി നൽകിയത്. ഇന്ന് നടന്ന മത്സരത്തിൽ ഗ്രൗണ്ടിന്റെ മോശം അവസ്ഥയാണ് ലാസിയോ സൂപ്പർ താരം ചിറോ ഇമ്മബെയിലിന് പരിക്ക് പറ്റാൻ പ്രധാനകാരണം. അതേസമയം പിച്ചിന്റെ കാര്യങ്ങൾ നോക്കുന്ന കമ്പനിയും ആയി നാളെ ചർച്ച നടത്തി പിച്ച് കൂടുതൽ മെച്ചപ്പെടുത്താൻ ആണ് ലാസിയോ ശ്രമിക്കുന്നത്.
