വംശീയാധിക്ഷേപമേറ്റ നാപോളി ഡിഫെൻഡർ കലിദു കോലിബാലിക്ക് പിന്തുണയുമായി സൂപ്പർ താരം ക്രിസ്റ്റിയാനോ റൊണാൾഡോ. ജീവിതത്തിലും ഫുട്ബോളിലും ബഹുമാനമാണ് വേണ്ടെതന്നും വർണ്ണവിവേചനത്തോടും ഏത് തരത്തിലുള്ള വിവേചനത്തോടും നോ പറയണമെന്നും ആരാധകർക്കായി ഇൻസ്റ്റാഗ്രാമിൽ കുറിച്ച പോസ്റ്റിൽ യുവന്റസ് താരമായ ക്രിസ്റ്റ്യാനോ റൊണാൾഡോ വ്യക്തമാക്കി.
ബോക്സിങ് ഡേയിൽ നടന്ന നാപോളി- ഇന്റർ മിലാൻ മത്സരത്തിനിടെയാണ് നാപോളി താരത്തിന് ഈ ദുരനുഭവം ഉണ്ടായത്. കുരങ്ങന്റെ ശബ്ദം ഉണ്ടാക്കി താരത്തെ അധിക്ഷേപിക്കുകയാണ് ഇന്റർ മിലാൻ ആരാധകർ ചെയ്തത്. ലോകത്തിന്റെ വിവിധ കോണുകളിൽ നിന്നും ഇന്റർ ആരാധകർക്കെതിരെയും കോലിബാലിക്ക് പിന്തുണയുമായും നിരവധിയാളുകൾ രംഗത്തെത്തി കഴിഞ്ഞു.
