സീരി എയിൽ ജോസെ മൗറീനോയുടെ റോമ വിജയം തുടരുന്നു. ഇന്ന് എമ്പോളിയെ ആണ് അവർ പരാജയപ്പെടുത്തിയത്. എതിരില്ലാത്ത രണ്ടു ഗോളിനായിരുന്നു റോമയുടെ വിജയം. ആദ്യ പകുതിയിൽ 42ആം മിനുട്ടിൽ പെലഗ്രിനി ആണ് റോമക്ക് ലീഡ് നൽകിയത്. മികിതര്യൻ ആയിരുന്നു ഗോൾ ഒരുക്കിയത്. രണ്ടാം പകുതിയുടെ 48 മിനുട്ടിൽ മികിതര്യൻ ഗോൾ നേടിക്കൊണ്ട് വിജയം ഉറപ്പിക്കുകയും ചെയ്തു.
ഈ ജയത്തോടെ റോമ 15 പോയിന്റുമായി ലീഗിൽ നാലാമത് നിൽക്കുകയാണ്.
