ഫ്രഞ്ച് താരം അഡ്രിയൻ റാബിയോട്ടിനെ നിലനിർത്താൻ ആവുമെന്ന പ്രതീക്ഷയിൽ യുവന്റസ്. താരത്തിന്റെ നിലവിലെ കരാർ അടുത്ത വാരത്തോടെ അവസാനിക്കാൻ ഇരിക്കെ ഇതുവരെ ഭാവിയെ കുറിച്ച് കൃത്യമായ സൂചനകൾ താരം നൽകിയിട്ടില്ല. അതേ സമയം റാബിയോട്ട് ടീമിൽ തന്നെ തുടരാൻ സമ്മതം മൂളുമെന്നാണ് യുവന്റസിന്റെ പ്രതീക്ഷയെന്ന് റോമാനോയും ഡി മാർസിയോയും റിപ്പോർട്ട് ചെയ്യുന്നു. ഒരു വർഷത്തേക്ക് കൂടി ടീമിൽ തുടരാൻ ആവും റാബിയോട്ടിന്റെ പദ്ധതി.
മാസങ്ങളായി താരത്തിന്റെ കരാർ നീട്ടാൻ ഉള്ള സാധ്യതകൾ തേടുകയായിരുന്നു യുവന്റസ്. എന്നാൽ രണ്ടു വരാം മുന്നേ വരെ ഇത് സംബന്ധിച്ച ടീമിന്റെ നീക്കങ്ങൾക്ക് അനുകൂലമായ മറുപടി റാബിയോട്ടിൽ നിന്നും ഉണ്ടായില്ല. ദുർഘടമായ കഴിഞ്ഞ സീസണിലും 11 ഗോളും ആറു അസിസ്റ്റുമായി മികച്ച പ്രകടനം പുറത്തെടുക്കാൻ താരത്തിനായി. പ്രീമിയർ ലീഗ് അടക്കുള്ള വമ്പൻ ടീമുകളിലേക്ക് ചേക്കേറാൻ ആയിരുന്നു താരത്തിന്റെ ആഗ്രഹമെന്ന് സൂചനയുണ്ട്. എന്നാൽ മികച്ച ഓഫറുകൾ ഒന്നും റാബിയോട്ടിനെ തേടി ഇതുവരെ വരാത്തിനാൽ അത് ഇത്തവണ സാധ്യമായേക്കില്ല. അത് കൊണ്ട് തന്നെ ഇരുപത്തിയെട്ടുകാരൻ ഒരു സീസണിലേക്ക് കൂടി യുവന്റസിൽ തുടരാൻ കരാർ അവസാനിക്കുന്നതിന്റെ തൊട്ടു മുൻപ് സമ്മതം മൂളിയേക്കും.
Download the Fanport app now!
