ക്രിസ്റ്റ്യാനോ റൊണാൾഡോയുടെ യുവന്റസിലേക്കുള്ള യാത്രയ്ക്ക് പിറകെ റൊണാൾഡോയുടെ ഒപ്പം കളിച്ച താരങ്ങളുടെ പ്രതികരണം വന്നു. ഒരു യഥാർത്ഥ ചാമ്പ്യനാണ് റൊണാൾഡോ എന്നും ഒപ്പം കളിച്ചതിൽ അഭിമാനം ഉണ്ടെന്നും റയൽ മാഡ്രിഡിലെ ജർമ്മൻ താരം ക്രൂസ് പറഞ്ഞു. ഒരുമിച്ച നേടിയ കിരീടങ്ങൾ മറക്കില്ല എന്നും ക്രൂസ് പറഞ്ഞു.
വെയ്ല്സ് ക്യാപ്റ്റൻ ബെയ്ലും റൊണാൾഡോയ്ക്ക് ആശംസയുമായി എത്തി. ഒരുമിച്ച് കളിച്ച 5 വർഷങ്ങൾ സന്തോഷകരമായിരുന്നു എന്നും. റൊണാൾഡോ ഒരു മികച്ച താരവും മികച്ച വ്യക്തിയുമാണെന്നും ബെയ്ല് റൊണാൾഡോയ്ക്ക് ആശംസ പറഞ്ഞ് ചെയ്ത ട്വീറ്റിൽ പറഞ്ഞു.
യുവന്റസിൽ നിന്ന് റൊണാൾഡോയെ സ്വാഗതം ചെയ്തത് മുൻ റയൽ മാഡ്രിഡ് താരമായ കദീരയാണ്. മുമ്പ് റയൽ മാഡ്രിഡിന്റെ മിഡ്ഫീൽഡിൽ കളിച്ച താരമാണ് കദീര. റയലിൽ മികച്ച സമയമായിരുന്നു ഇരുവരും ഒപ്പം കളിച്ചത്. വീണ്ടും അങ്ങനെ ഒരുമിക്കുന്നതിൽ സന്തോഷമുണ്ട് കദീര പറഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial
