നാളത്തെ മിലാൻ ഡെർബിയിൽ സ്ലാറ്റൻ ഇബ്രാഹിമോവിച്ചും ആന്റെ റെബിക്കും ഉണ്ടാകില്ല എന്ന് മിലാൻ കോച്ച് സ്റ്റെഫാനോ പിയോളി സ്ഥിരീകരിച്ചു. ഇന്റർ മിലാന് 4 പോയിന്റ് പിറകിൽ ആണ് എ സി മിലാൻ ഉള്ളത്. ഈ രണ്ട് താരങ്ങളും ഇല്ലാത്തത് മിലാന് തിരിച്ചടി ആകും. എന്നാൽ ടൊമോരി നാളെ കളിക്കും എന്നും പിയോളി പറഞ്ഞു.
“സ്ലാറ്റൻ ഇബ്രാഹിമോവിച്ചോ ആന്റെ റെബിക്കോ നാളെ ഉണ്ടാകില്ല, ടോമോറി ടീമിനൊപ്പമുണ്ടാകുമെന്ന് ഞാൻ കരുതുന്നു, അവൻ സ്റ്റാർട്ട് ചെയ്യും എന്ന് ഉറപ്പില്ല. ഒലിവിയർ ജിറൂഡ് ഒരു പ്രധാന കളിക്കാരനാണ്, അദ്ദേഹവും ഉണ്ടാകും”
“ഇബ്ര അവിടെ ഉണ്ടാകാത്തതിൽ ഞങ്ങൾ ഖേദിക്കുന്നു. എന്നാൽ ഇപ്പോൾ അദ്ദേഹത്തെ കൂടാതെ നാം ശക്തരാണെന്ന് തെളിയിക്കണം. ” പിയോളി പറഞ്ഞു
