മാർട്ടീനസിന് ഇരട്ട ഗോളുകൾ, ഇന്റർ ഇറ്റലിയിൽ ഒന്നാമത്

സീരി എ ഒന്നാം സ്ഥാനം ഇനി ഇന്ററിന് ഒപ്പം. ഇന്ന് നടന്ന മത്സരത്തിൽ സ്‌പാലിനെ സാൻ സിറോയിൽ2-1 ന് മറികടന്നാണ് കൊണ്ടെയുടെ ടീം ലീഗിൽ യുവന്റസിനെ മറികടന്ന് 1 പോയിന്റ് ലീഡിൽ ഒന്നാം സ്ഥാനത്ത് എത്തിയത്.

അർജന്റീനൻ താരം ലൗറ്റാരോ മാർടീനസ് നേടിയ ഇരട്ട ഗോളുകളാണ് ഇന്ററിന് ജയം ഒരുക്കിയത്. ആദ്യ പകുതിയിലാണ് താരം താരം 2 ഗോളുകളും നേടിയത്. രണ്ടാം പകുതിയിൽ വലോട്ടിയുടെ ഗോളിൽ സ്പാൽ 1 ഗോൾ മടക്കിയെങ്കിലും സമനില കണ്ടെത്താൻ അവർക്കായില്ല. നിലവിൽ 14 മത്സരങ്ങൾ പിന്നിട്ടപ്പോൾ ഇന്ററിന് 37 പോയിന്റ് ഉണ്ട്. ഇത്ര തന്നെ മത്സരങ്ങളിൽ നിന്ന് യുവന്റസിന് 36 പോയിന്റുകളാണ് ഉള്ളത്. 30 പോയിന്റുള്ള ലാസിയോ ആണ് മൂന്നാം സ്ഥാനത്ത്.

Previous articleഇഞ്ചുറി ടൈം ഗോളിൽ കേരള ബ്ലാസ്റ്റേഴ്സിനെ സമനിലയിൽ കുരുക്കി ഗോവ
Next articleഓൾഡ് ട്രാഫോഡിലും രക്ഷയില്ല, യുണൈറ്റഡിന് വീണ്ടും സമനില