ഇറ്റലിയിലെ ലീഗ് കിരീട പോരാട്ടം ആവേശകരമാവുകയാണ്. ഇന്നലെ നാപോളിയെ തോൽപ്പിച്ചതോടെ കോണ്ടെയുടെ ഇന്റർ മിലാൻ ഒന്നാമതുള്ള എ സി മിലാനുമായി ഒരു പോയിന്റ് മാത്രം ദൂരെയായി. ഇന്ററിന്റെ ഹോം ഗ്രൗണ്ടിൽ നടന്ന മത്സരത്തിൽ വളരെ കഷ്ടപ്പെട്ടാണ് ഇന്റർ മിലാൻ നാപോളിയെ തോൽപ്പിച്ചത്. നാപോളിയുടെ ആധിപത്യം കണ്ട മത്സരത്തിൽ ഒരു പെനാൾട്ടിയും ഒരു ചുവപ്പ് കാർഡുമാണ് ഇന്ററിന്റെ സഹായത്തിന് എത്തിയത്.
ഗോൾ ഒന്നും ഇല്ലാത്ത ആദ്യ പകുതിക്ക് ശേഷം 71ആം മിനുട്ടിൽ നാപോളിയടെ പ്രധാന താരമായ ഇൻസിനെ ചുവപ്പ് കണ്ട് പുറത്ത് പോയി. ഒപ്പം കിട്ടിയ പെനാൾട്ടി ലക്ഷ്യത്തിൽ എത്തിച്ച് ലുകാകു ഇന്റർ മിലാന് വിജയം നൽകിയ ഗോൾ നേടി. കളിയിൽ കൂടുതൽ സമയം പന്ത് കൈവശം വെച്ചതും കൂടുതൽ ഗോൾ ശ്രമങ്ങൾ നടത്തിയതും ഒക്കെ നാപോളി ആയിരുന്നു. പക്ഷെ വിജയം ഇന്ററിനൊപ്പം നിന്നു. ഈ വിജയത്തോടെ ഇന്റർ മിലാണ് 12 മത്സരങ്ങളിൽ നിന്ന് 27 പോയിന്റായി. 28 പോയിന്റുമായി എ സി മിലാനാണ് ഒന്നാമത്.
