സീരി എയിൽ ഇന്റർ മിലാന് ഗംഭീര വിജയം ഇന്ന് നടന്ന മത്സരത്തിൽ ജെനോവയെ നേരിട്ട ഇന്റർ മിലാൻ എതിരില്ലാത്ത മൂന്ന് ഗോളുകൾക്കാണ് വിജയിച്ചത്. ബെൽജിയം താരം ലുകാകുവിന്റെ മികവിലായിരുന്നു ഇന്ററിന്റെ വിജയം. രണ്ട് ഗോളുകളുമായി ഇന്റർ മിലാനെ മുന്നിൽ നിന്ന് നയിക്കാൻ ലുകാകുവിന് ഇന്നായി. 34ആം മിനുട്ടിൽ ഒരു ഹെഡറിലൂടെ ആയിരുന്നു ലുകാകുവിന്റെ ആദ്യ ഗോൾ.
90ആം മിനുട്ടിലാണ് ലുകകിവിന്റെ രണ്ടാം ഗോൾ വന്നത്. സീരി എയിലെ ലുകാകുവിന്റെ 23ആം ഗോളായിരുന്നു ഇത്. 83ആം മിനുട്ടിൽ അലക്സിസ് സാഞ്ചസാണ് ഇന്ററിന്റെ മറ്റൊരു ഗോൾ നേടിയത്. ഈ വിജയത്തോടെ ഇന്റർ മിലാന് 36 മത്സരങ്ങളിൽ നിന്ന് 76 പോയന്റായി. ഇന്റർ ഇപ്പോൾ രണ്ടാം സ്ഥാനത്ത് ആണുള്ളത്. 80 പോയന്റുള്ള യുവന്റസാണ് ഒന്നാമത്. യുവന്റസ് ഒരു മത്സരം കുറവാണ് കളിച്ചത്.
