അങ്ങനെ മൂന്നര വർഷങ്ങൾക്ക് ശേഷം അറ്റലാന്റക്ക് എതിരെ യുവന്റസ് ലീഗിൽ ഒരു വിജയം നേടി. ഇന്ന് സീരി എയിൽ അറ്റലാന്റയ്ക്കെതിരെ യുവന്റസ് നിർണായക എവേ വിജയമാണ് ഉറപ്പിച്ചത്. ഗെവിസ് സ്റ്റേഡിയത്തിൽ 2-0നായിരുന്നു വിജയം. 56-ാം മിനിറ്റിൽ സ്ട്രൈക്കർ എസ്. ഇലിംഗ്-ജൂനിയർ യുവന്റസിനായി ആദ്യ ഗോൾ നേടി. തുടർന്ന് 90+8-ാം മിനിറ്റിൽ വ്ലഹോവിച്ചിന്റെ അവസാന നിമിഷ ഗോൾ, യുവന്റസിന്റെ വിജയം ഉറപ്പിച്ചു.
2019 നവംബറിന് ശേഷം ആദ്യമായാണ് സീരി എയിൽ അറ്റലാന്റയെ യുവന്റസ് തോൽപ്പിക്കുന്നത്. ടീമിനെതിരായ ആറ് ഗെയിമുകളുടെ വിജയരഹിതമായ പരമ്പര ഇതോടെ അവസാനിപ്പിച്ചു. ഈ വിജയത്തോടെ യുവന്റസ് 34 മത്സരങ്ങളിൽ നിന്ന് 66 പോയിന്റുമായി സീരി എ ടേബിളിൽ രണ്ടാം സ്ഥാനത്തെത്തിയപ്പോൾ 58 പോയിന്റുമായി അറ്റലാന്റ ആറാം സ്ഥാനത്താണ്. അടുത്ത സീസണിലെ യുവേഫ ചാമ്പ്യൻസ് ലീഗിൽ സ്ഥാനം ഉറപ്പിക്കാൻ ശ്രമിക്കുന്ന യുവന്റസിന്റെ ആത്മവിശ്വാസം ഈ വിജയം വർധിപ്പിക്കുമെന്നതിൽ സംശയമില്ല.
