ആരോൺ റാംസിയുടെ യുവന്റസിലെ മോശം അവസ്ഥ തുടരുന്നു. താരം COVID-19 പോസിറ്റീവ് ആയി എന്ന് ക്ലബ് അറിയിച്ചു. ഈ ട്രാൻസ്ഫർ വിൻഡോയിൽ ക്ലബ് വിടാൻ ശ്രമിക്കുന്ന താരത്തിന് ഈ കൊറോണ പോസിറ്റീവ് ആയത് വലിയ തിരിച്ചടിയാണ്.
കിയെല്ലിനി, ആർതർ, കാർലോ പിൻസോഗ്ലിയോ എന്നി യുവന്റസ് താരങ്ങൾ കഴിഞ്ഞയാഴ്ച കോവിഡ് പോസിറ്റീവ് ആയിരുന്നു. ആ മൂന്നു പേരും ഇപ്പോൾ പൂർണ്ണമായി കൊറോണയിൽ നിന്ന് സുഖം പ്രാപിച്ചു. 2019ൽ ആണ് റാംസി ആഴ്സണൽ വിട്ട് ഇറ്റലിയി എത്തിയത്. യുവന്റസുമായുള്ള അദ്ദേഹത്തിന്റെ കരാർ 2023 ജൂൺ വരെയാണ് ഉള്ളത്.
