ഈ സീസണിൽ പുതുതായി ടീമിലെത്തിയ ഹിഗ്വയിന്റെ ആദ്യ ഗോളിൽ സമനില കൊണ്ട് രക്ഷപെട്ട എ.സി മിലാൻ. കാഗ്ലിയറിയാണ് എ.സി മിലാനെ 1-1ന് സമനിലയിൽ പിടിച്ചത്.
മത്സരത്തിന്റെ നാലാം മിനുട്ടിൽ തന്നെ ജോ പെഡ്രോയുടെ ഗോളിൽ എ.സി മിലാൻ മത്സരത്തിൽ പിറകിലായി. എന്നാൽ രണ്ടാം പകുതിയുടെ തുടക്കത്തിൽ ഹിഗ്വയിൻ സമനില പിടിക്കുകയായിരുന്നു. മത്സരത്തിന്റെ ഇഞ്ചുറി ടൈമിൽ എ.സി മിലാന് വേണ്ടി വിജയ ഗോൾ നേടാൻ ഹിഗ്വയിന് അവസരം ലഭിച്ചെങ്കിലും താരത്തിന്റെ ഹെഡർ പുറത്തു പോവുകയായിരുന്നു.
3 മത്സരങ്ങളിൽ നിന്ന് 4 പോയിന്റുമായി എ.സി മിലാൻ ലീഗിൽ പതിനാലാം സ്ഥാനത്താണ്.
