ബാഴ്‌സലോണ വിട്ട സൂപ്പർ താരം ലിയോണൽ മെസ്സി യുവന്റസിൽ റൊണാൾഡോക്കൊപ്പം കളിക്കണമെന്ന് മുൻ റയൽ മാഡ്രിഡ് താരം കൂടിയായ ഹാമെസ് റോഡ്രിഗസ്. കഴിഞ്ഞ ദിവസം മെസ്സി ബാഴ്‌സലോണയിൽ പുതിയ കരാർ ഒപ്പുവെക്കില്ലെന്ന് ഉറപ്പായിരുന്നു. തുടർന്നാണ് ഫുട്ബോൾ ലോകം കണ്ട മികച്ച താരങ്ങളായ മെസ്സിയും റൊണാൾഡോയും ഒരുമിച്ച് യുവന്റസിൽ കളിക്കണമെന്ന് എവർട്ടൺ താരം റോഡ്രിഗസ് പറഞ്ഞത്.
മെസ്സിയും റൊണാൾഡോയും ഒരുമിച്ച് കാളിക്കണമെന്നത് ഒരുപാട് ഫുട്ബോൾ ആരാധകരുടെ സ്വപനം ആണെന്നും റോഡ്രിഗസ് പറഞ്ഞു. മെസ്സി ഓരോ വർഷവും 30ൽ അധികം ഗോളും അസിസ്റ്റും നേടുന്നുണ്ടെന്നും ഇനിമുതൽ ബാഴ്‌സലോണ ഇതിനായി പുതിയ ഒരാളെ കണ്ടത്തേണ്ടി വരുമെന്നും റോഡ്രിഗസ് കൂട്ടിച്ചേർത്തു. ബാഴ്‌സലോണ വിട്ട മെസ്സി പി.എസ്.ജിയിലേക്ക് പോവുമെന്നാണ് കരുതപ്പെടുന്നത്.
