സന്തോഷ് ട്രോഫിയിൽ ഇന്ന് നിർണായക മത്സരത്തിൽ കേരളം മഹാരാഷ്ട്രയെ നേരിടും. സെമി ഫൈനൽ സാധ്യതകൾ നിലനിർത്താൻ കേരളത്തിന് വിജയം അത്യാവശ്യമാണ്. ഗോവയ്‌ക്കെതിരെ 3-2ന് ജയിച്ച് ടൂർണമെന്റിൽ മികച്ച തുടക്കം കുറിച്ച കേരളം പക്ഷെ കഴിഞ്ഞ മത്സരത്തിൽ കർണാടകയുടെ കയ്യിൽ നിന്ന് ഞെട്ടിക്കുന്ന തോൽവി നേരിട്ടിരുന്നു. ഇനിയും പോയിന്റ് നഷ്ടപ്പെടുത്തിയാൽ കേരളത്തിന് സെമി ഫൈനൽ യോഗ്യത ദുഷ്കരമാകും.
മറുവശത്ത് മഹാരാഷ്ട്രയും നല്ല ഫോമിൽ അല്ല. ഇതുവരെ അവർക്ക് ഗ്രൂപ്പിൽ ഒരു മത്സരം വിജയിക്കാൻ ആയിട്ടില്ല. നാലാമതുള്ള കേരളത്തിനും പിറകിൽ ആണ് മഹാരാഷ്ട്ര ഉള്ളത്. ഒഡീഷയിൽ നടക്കുന് മത്സരം ഇന്ന് വൈകിട്ട് 7.30ന് തുടങ്ങും. ഫാൻകോഡ് ആപ്പിലും ഇന്ത്യൻ ഫുട്ബോൾ യൂട്യൂബ് ചാനലിലും മത്സരം കാണാം
