കോഴിക്കോട് ഇഎംഎസ് കോർപറേഷൻ സ്റ്റേഡിയത്തിൽ വെച്ച് നടക്കുന്ന എഴുപത്തിയാറാമത് സന്തോഷ് ട്രോഫിയിലെ ഗ്രൂപ്പ് രണ്ടിലെ പത്താമത്തെ മത്സരത്തിൽ ഇന്ന് ആന്ധ്രാ പ്രദേശും ബിഹാറും ഏറ്റുമുട്ടി. മത്സരത്തിൽ ഇരു ടീമുകളും ഒരോ ഗോൾ വീതം നേടി സമനിലയിൽ പിരിഞ്ഞു. ഇരുപത്തിയാറാം മിനിറ്റിൽ ജേഴ്സി നമ്പർ 12 നരേന്ദ്ര മധിവാൾ ആണ് ആന്ധ്രാ പ്രദേശിനായി ഗോൾ നേടിയത്‌. ഈ ഗോളിന് അൻപത്തിമൂന്നാം മിനിറ്റിൽ ജേഴ്സി നമ്പർ 9ആരിഫ് സിദ്ദീഖിയിലൂടെ ബിഹാർ സമനില ഗോൾ നേടി.
ബീഹാറും ആന്ധ്രാപ്രദേശും പോയിന്റ് പട്ടികയിൽ അവസാന സ്ഥാനങ്ങളിലാണ്. ഇരുവർക്കും ഒരോ പോയിന്റ് വീതമാണ് ഉള്ളത്. ഇന്നത്തെ രണ്ടാം മത്സരത്തിൽ വൈകീട്ട് 03:30 മണിക്ക് രാജസ്ഥാൻ മിസോറം ടീമിനെ നേരിടും.
