കോഴിക്കോട് ഇഎംഎസ് കോർപറേഷൻ സ്റ്റേഡിയത്തിൽ വെച്ച് നടക്കുന്ന എഴുപത്തിയാറാമത് സന്തോഷ് ട്രോഫിയിൽ ഗ്രൂപ്പ് രണ്ടിലെ പതിമൂന്നാം മത്സരത്തിൽ ബിഹാർ രാജസ്ഥാനെ തോല്പ്പിച്ചു. എതിരില്ലാത്ത മൂന്ന് ഗോളുകൾക്ക് ആയിരുന്നു വിജയം. ആദ്യ പകുതിയിൽ ബിഹാർ രണ്ട് ഗോളുകൾ നേടി.
45ആം മിനിറ്റിൽ ജഴ്സി നമ്പർ 6 ആകാശ് കുമാർ ആദ്യ ഗോളും 45+3 മിനിറ്റിൽ ജഴ്സി നമ്പർ 2 രാഹുൽ കുമാർ രണ്ടാം ഗോളും നേടി. രണ്ടാം പകുതിയിൽ 90+2 മിനിറ്റിൽ ജഴ്സി നമ്പർ 7 അങ്കിത് കുമാർ മൂന്നാമത്തെയും ടീമിൻ്റെ അവസാന ഗോളും നേടി. ബീഹാറിന്റെ യോഗ്യത റൗണ്ടിലെ ആദ്യ വിജയമാണിത്.
