സെമി ഉറപ്പിക്കാൻ മാറ്റങ്ങളുമായി കേരളം, പഞ്ചാബിന് എതിരായ ലൈനപ്പ് പ്രഖ്യാപിച്ചു

സന്തോഷ് ട്രോഫിയിലെ നാലാം മത്സരത്തിന് ഇറങ്ങുന്ന കേരളം പഞ്ചാബിന് എതിരായ ലൈനപ്പ് പ്രഖ്യാപിച്ചു. മഞ്ചേരി പയ്യനാട് സ്റ്റേഡിയത്തിൽ ഇറങ്ങുന്ന മത്സരത്തിൽ കഴിഞ്ഞ മത്സരത്തിൽ നിന്ന് രണ്ട് മാറ്റങ്ങൾ ഉണ്ട്. നിജോ ഗിൽബേർടും, സഫ്നാദും ഇന്ന് ആദ്യ ഇലവനിൽ ഇല്ല. പകരം സൽമാനും ഷിഗിലും ആദ്യ ഇലവനിൽ എത്തി.

ജിജോ ജോസഫ് ആണ് കേരളത്തെ ഇന്നും നയിക്കുന്നത്. സന്തോഷ് ട്രോഫിയിൽ ഏറെ പരിചയ സമ്പത്തുള്ള മിഥുൻ വല കാക്കുന്നു. ഷഹീഫ്, അജയ് അലക്സ്, സഞ്ജു, സോയൽ എന്നിവരാണ് ഡിഫൻസിൽ. മധ്യനിരയിൽ ജിജോക്ക് ഒപ്പം ഐലീഗിന്റെ പരിചയ സമ്പത്തുള്ള അർജുൻ ജയരാജും റാഷിദും സൽമാനും ഇറങ്ങുന്നു. ബെംഗളൂരു എഫ് സിയുടെ ഷിഗിലും ഉണ്ട്. അറ്റാക്കിൽ വിഗ്നേഷും ഇറങ്ങുന്നു

Lineup: Mithun, Muhammed Saheef, Sanju, Ajay Alex, Soyal Joshy, Jijo, Rashid, Arjun Jayaraj, Salman, Shigil, Viknesh