അൽ നാസറിലെ ക്രിസ്റ്റ്യാനോ റൊണാൾഡോയുടെ കരാറിൽ ന്യൂകാസിലിനായി കളിക്കാനുള്ള പ്രത്യേക വ്യവസ്ഥയുണ്ടെന്ന വാദം ൻഷേധിച്ച് ന്യൂകാസിൽ ക്ലബ് മാനേജർ എഡി ഹോ. ന്യൂകാസിൽ ചാമ്പ്യൻസ് ലീഗിന് യോഗ്യത നേടിയാൽ ന്യൂകാസിൽ ടീമിൽ ചേരാൻ അനുവദിക്കുന്ന ഒരു ക്ലോസ് ക്രിസ്റ്റ്യാനോ റൊണാൾഡോ വെച്ചിട്ടുണ്ട് ഉണ്ടെന്നായിരുന്നു റിപ്പോർട്ട്. എന്ന ഇത് “സത്യം അല്ല” എന്ന് ന്യൂകാസിൽ ബോസ് എഡ്ഡി ഹോ പറഞ്ഞു.
സൗദി പബ്ലിക് ഇൻവെസ്റ്റ്‌മെന്റ് ഫണ്ടിന്റെ ഉടമസ്ഥതയിലുള്ള ന്യൂകാസിലിൽ അൽ നാസറിന്റെ സൗദി കണക്ഷൻ വെച്ച് കളിക്കും എന്നായിരുന്നു ഒരു സ്പാനിഷ് മാധ്യമം റിപ്പോർട്ട് ചെയ്തത്. ചൊവ്വാഴ്ച ലീഡേഴ്‌സ് ആഴ്‌സണൽ ന്യൂകാസിൽ മത്സരത്തിന് തൊട്ടുമുമ്പ് സംസാരിച്ച എഡി ഹോവ ഈ കാര്യത്തിൽ വ്യക്തത നൽകി.
ക്രിസ്റ്റ്യാനോയുടെ പുതിയ ചുവടിന് ഞങ്ങൾ എല്ലാവിധ ആശംസകളും നേരുന്നു, എന്നാൽ നിങ്ങൾ പറയുന്ന വാർത്തയിൽ ഒരു സത്യവുമില്ല. കോച്ച് സ്കൈ സ്പോർട്സിനോട് പറഞ്ഞു.
പോർച്ചുഗൽ താരം 2025 ജൂൺ വരെ സൗദി അറേബ്യൻ ക്ലബിൽ തന്ന്ദ് തുടരും. ഇന്നലെ റൊണാൾഡോയെ അൽ നാസർ ഔദ്യോഗികമായി അവതരിപ്പിച്ചിരുന്നു. യൂറോപ്പിലെ തന്റെ ജോലി കഴിഞ്ഞു എന്ന് റൊണാൾഡോ മാധ്യമങ്ങളോട് പറയുകയും ചെയ്തു.
