റിലയൻസ് ഫൗണ്ടേഷൻ ഡെവലപ്മെന്റ് ലീഗിന്റെ (RFDL) കേരള റീജിയണൽ യോഗ്യതാ മത്സരത്തിൽ കേരള ബ്ലാസ്റ്റേഴ്സിനെ എതിരില്ലാത്ത ഒരു ഗോളിന് പരാജയപ്പെടുത്തി റിയൽ മലബാർ എഫ്സി കരുത്ത് തെളിയിച്ചു. ക്യാപ്റ്റൻ മൗനുദീൻ നേടിയ ഏക ഗോളിന്റെ കരുത്തിലാണ് റിയൽ മലബാർ ഈ നിർണ്ണായക വിജയം സ്വന്തമാക്കിയത്.
ആദ്യ മത്സരത്തിൽ സായിയുമായി (SAI) 1-1 ന് സമനില വഴങ്ങിയ റിയൽ മലബാറിന് ഈ ജയം വലിയ ഊർജ്ജമാണ് നൽകുന്നത്.
ആദ്യ മത്സരത്തിൽ 5-0 ത്തിന് വിജയിച്ചു തുടങ്ങിയ ബ്ലാസ്റ്റേഴ്സിന് റിയൽ മലബാറിന്റെ പ്രതിരോധ നിര വലിയ വെല്ലുവിളിയാണ് ഉയർത്തിയത്.
ഡിസംബർ 27-ന് നടക്കുന്ന അടുത്ത മത്സരത്തിൽ റിയൽ മലബാർ കേരള യുണൈറ്റഡിനെ നേരിടും. അതേസമയം, ഈ തോൽവിയിൽ നിന്ന് പാഠം ഉൾക്കൊണ്ട് അതേ ദിവസം തന്നെ നടക്കുന്ന മത്സരത്തിൽ പി.എഫ്.സി (PFC) യെ നേരിടാൻ കേരള ബ്ലാസ്റ്റേഴ്സ് ഒരുങ്ങും.
