പി എസ് ജി വിടും എന്ന് പ്രഖ്യാപിച്ച എംബപ്പെയെ സ്വന്തമാക്കാനുള്ള ആദ്യ ഓഫർ റയൽ മാഡ്രിഡ് സമർപ്പിച്ചതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. റയൽ മാഡ്രിഡ് മുമ്പ് എംബപ്പെക്ക് ആയി ഓഫർ ചെയ്തിരുന്ന വേതനത്തേക്കാൾ താഴെ ആണ് ഇപ്പോൾ നൽകിയിരിക്കുന്നത്. ഏറെ കാലം എംബപ്പെക്ക് പിറകെ നടന്ന റയൽ മാഡ്രിഡ് ഇപ്പോൾ എംബപ്പെ തങ്ങൾ പറയുന്ന വേതനമാണെങ്കിൽ ടീമിലേക്ക് വന്നാൽ മതി എന്ന നിലപാടിലാണ് എന്നാണ് സൂചന.
ഇപ്പോൾ പി എസ് ജിയിൽ എംബപ്പെ വാങ്ങുന്ന വേതനത്തേക്ക് ഏറെ താഴെ ആണ് റയൽ മാഡ്രിഡിന്റെ ഓഫർ. യൂറോപ്പിൽ ഒരു ഫുട്ബോൾ താരം വാങ്ങുന്ന ഏറ്റവും വലിയ വേതനമാണ് പി എസ് ജിയും എംബപ്പെ വാങ്ങുന്നത്. അത് നൽകാൻ റയൽ മാഡ്രിഡ് ഒരുക്കമല്ല.എങ്കിലും അവസാനം എംബപ്പെ റയൽ മാഡ്രിഡിലേക്ക് തന്നെ എത്തും എന്നാണ് സൂചന. വേറെ ഒരു ക്ലബും ഇപ്പോൾ എംബപ്പെക്ക് ആയി ഓഫർ നൽകിയിട്ടില്ല..
ഈ ജൂണിൽ പി എസ് ജിയിൽ കരാർ അവസാനിക്കുന്ന എംബപ്പെ എന്തായാലും പി എസ് ജി വിടും എന്ന് കഴിഞ്ഞ ദിവസം അറിയിച്ചിരുന്നു.
