വോൾവ്സ് മാജിക്ക്!! അവസാന പത്തു മിനുട്ടിൽ മൂന്ന് ഗോൾ അടിച്ച് ഒരു കം ബാക്ക്!!

20211016 213717

ഇംഗ്ലീഷ് പ്രീമിയർ ലീഗിൽ ഇന്ന് ഏറ്റവും ആവേശകരമായ മത്സരം നടന്നത് വില്ല പാർക്കിൽ ആയിരുന്നു. വോൾവ്സും ആസ്റ്റൺ വില്ലയും തമ്മിലുള്ള മത്സരം 80ആം മിനുട്ട് വരെ 2-0 എന്ന നിലയിൽ ആസ്റ്റൺ വില്ലക്ക് അനുകൂലമായിരുന്നു. അവിടെ നിന്ന് തിരിച്ചടിച്ച് 3-2ന്റെ വിജയം നേടാൻ ഇന്ന് വോൾവ്സിനായി. ഇഞ്ച്വറി ടൈമിൽ ആയിരുന്നു വോൾവ്സിന്റെ വിജയ ഗോൾ വന്നത്. 48ആം മിനുട്ടിൽ ഇംഗ്സും 69ആം മിനുട്ടിൽ മഗിന്നും നേടിയ ഗോളുകൾ ആയിരുന്നു ലീഡ്സിനെ 2-0 എന്ന ലീഡിൽ എത്തിച്ചത്.

80ആം മിനുട്ടിൽ സൈസിന്റെ ഗോൾ വോൾവ്സിന്റെ തിരിച്ചുവരവ് ആരംഭിച്ചു. 86ആം മിനുട്ടിൽ കോഡി വോൾവ്സിന്റെ സ്കോർ 2-2 എന്നാക്കി. 93ആം മിനുട്ടിൽ വോൾവ്സിന് ഒരു ഫ്രീകിക്കും ലഭിച്ചു. ആ ഫ്രീകിക്ക് എടുത്ത റുബൻ നെവസ് ഗോൾ തന്നെ ലക്ഷ്യം വെച്ചു. നെവസിന്റെ ഷോട്ട് വലിയ ഡിഫ്ലക്ഷനോടെയാണ് വലയിൽ പതിച്ചത്. ഈ ഗോൾ വോൾവ്സിന് 3-2ന്റെ വിജയം നൽകി. വോൾവ്സിന്റെ തുടർച്ചയായ മൂന്നാം എവേ വിജയമാണിത്. ജയത്തോടെ വോൾവ്സ് 10 പോയിന്റുമായി 12ആം സ്ഥാനത്ത് എത്തി.

Previous articleരണ്ടു മത്സരങ്ങൾക്ക് ശേഷം മാഞ്ചസ്റ്റർ സിറ്റി വിജയ വഴിയിൽ
Next articleഐപിഎലിന്റെ ക്ഷീണമുണ്ട്, എന്നാൽ ഷാക്കിബ് സ്കോട്‍ലാന്‍ഡിനെതിരെയുള്ള മത്സരത്തിന് സെലക്ഷന് തയ്യാര്‍ – മഹമ്മദുള്ള