സ്പാനിഷ് പരിശീലകൻ ലൊപെറ്റെഗി ഇനി വെസ്റ്റ് ഹാമിന്റെ പരിശീലകൻ. ഇന്ന് വെസ്റ്റ് ഹാം ഈ നീക്കം ഔദ്യോഗികമായി പ്രഖ്യാപിച്ചു. ലൊപെറ്റിഗിയും വെസ്റ്റ് ഹാമും തമ്മിൽ രണ്ടാഴ്ച മുമ്പ് തന്നെ കരാർ ധാരണയിൽ എത്തിയിരുന്നു. എ സി മിലാൻ, ബയേൺ എന്നിവരും ലൊപെറ്റിഗിക്ക് ആയി രംഗത്ത് ഉണ്ടായിരുന്നു എങ്കിലും അദ്ദേഹം ഇംഗ്ലണ്ടിലേക്ക് വരാൻ തീരുമാനിക്കുക ആയിരുന്നു.
അവസാനമായി 2023ൽ വോൾവ്സിനെ ആണ് ലൊപെറ്റിഗി പരിശീലിപ്പിച്ചത്. അതിനു മുമ്പ് സെവിയ്യയിൽ അദ്ദേഹം പരിശീലകനായി മികച്ച പ്രകടനം കാഴ്ചവെച്ചിരുന്നു. മുൻ റയൽ മാഡ്രിഡ് പരിശീലകൻ കൂടുയാണ് ലൊപെറ്റിഗി. സ്പെയിൻ ദേശീയ ടീമിനെയും അദ്ദേഹം പരിശീലിപ്പിച്ചിട്ടുണ്ട്. വെസ്റ്റ് ഹാമിന്റെ പരിശീലകനായ ഡേവിഡ് മോയ്സ് ക്ലബ് വിടുമെന്ന് നേരത്തെ പ്രഖ്യാപിച്ചിരുന്നു.
