തുടർച്ചയായ തോൽവികളിൽ നിന്ന് കര കയറാൻ ടോട്ടൻഹാം ഇന്ന് ബ്രയിട്ടൻ ഹോവ് ആൽബിയനെതിരെ. ആൽബിയന്റെ മൈതാനത്ത് ഇന്ന് രാത്രി 10 നാണ് മത്സരം കിക്കോഫ്.
ഹാരി കെയ്നിന്റെ ഫോമാണ് സ്പർസ് നേരിടുന്ന പ്രധാന വെല്ലുവിളി. ഇന്ന് ഗോളോടെ താരം ഫോമിലേക്കെതിയാൽ അവരുടെ സാധ്യത വർധിക്കും. ഹ്യുഗോ ലോറിസ് ഇന്നും കളിച്ചേക്കില്ല. അലി, വന്യാമ എന്നിവർ പരിക്ക് മാറിയിട്ടുണ്ടെങ്കിലും ആദ്യ ഇലവനിൽ കളിക്കാൻ സാധ്യതയില്ല. ചാമ്പ്യൻസ് ലീഗ് കളിക്കാതിരുന്ന ആൽഡർവീൽഡ്, ട്രിപ്പിയർ എന്നിവർ ടീമിൽ തിരിച്ചെത്തിയേക്കും.
ബ്രയിറ്റൻ നിരയിൽ ജോസ് ഇസ്കിയേർഡോ, ഫ്ലോറിൻ ആന്റോൺ എന്നിവർ ആദ്യ മത്സരം കളിച്ചേക്കും.
1983 ന് ശേഷം സ്പർസിനെതിരെ ആദ്യ ജയമാകും ബ്രയിട്ടന്റെ ലക്ഷ്യം. ഹോം ഗ്രൗണ്ടിലെ മികച്ച റെക്കോർഡും അവർക്ക് ധൈര്യമാകും.
