സീസണിൽ അപരാജിത കുതിപ്പ് തുടരുന്ന ലിവർപൂളിന് ഇന്ന് ആൻഫീൽഡിൽ സൗത്താപ്റ്റന്റെ വെല്ലുവിളി. ഇതുവരെ കളിച്ച 6 മത്സരങ്ങളും ജയിച്ച ലിവർപൂൾ സീസണിലെ 7 ആം ജയമാകും ലക്ഷ്യമിടുക. ആൻഫീൽഡിൽ കാര്യമായ റെക്കോർഡ് ഇല്ലാത്ത സൗത്താംപ്ടനെതിരെ അത് നേടാനാകും എന്ന് തന്നെയാവും ക്ളോപ്പിന്റെ പ്രതീക്ഷ.
ലിവർപൂൾ നിരയിൽ അവസാന പ്രീമിയർ ലീഗ് മത്സരത്തിനിടെ പരിക്കേറ്റ ഫിർമിനോ പൂർണാമായും കായിക ക്ഷമത വീണ്ടെടുത്തിട്ടുണ്ട്. സൗതാംപ്ടൻ നിരയിൽ മികച്ച ഫോമിലുള്ള ഡാനി ഇങ്സിന് ഇന്ന് കളിക്കാനാവില്ല. ലിവർപൂളിൽ നിന്ന് ലോൺ അടിസ്ഥാനത്തിൽ കളിക്കുന്ന താരത്തിന് സ്വന്തം ടീമിനെതിരെ കളിക്കാനാവില്ല. മനോലോ ഗാബിയദീനിയും ഇന്ന് കളിച്ചേക്കില്ല.
ഇന്ന് ജയിക്കാനായാൽ ക്ലബ്ബ് ചരിത്രത്തിൽ ആദ്യമായാവും ലിവർപൂൾ ആദ്യത്തെ 7 മത്സരങ്ങൾ ജയിക്കുന്നത്. ഇന്ത്യൻ സമയം വൈകിട്ട് 7.30 നാണ് കിക്കോഫ്.
