ഒരു വിജയം എന്ന ന്യൂ കാസിലിന്റെ ആഗ്രഹം സൗത്താംപ്ടണിലും നടന്നില്ല. സെന്റ് മേരീസ് സ്റ്റേഡിയത്തിൽ വിരസമായ ഗോൾ രഹിത സമനിലയിൽ ഇരു ടീമുകളും പോയിന്റ് പങ്ക് വച്ചു പിരിഞ്ഞു. ലീഗിൽ 10 മത്സരങ്ങൾ പിന്നിട്ടിട്ടും ബെനീറ്റസിന്റെ ടീമിന് ജയമില്ല. ലീഗിൽ 3 പോയിന്റ് മാത്രമുള്ള അവർ 19 ആം സ്ഥാനത്താണ്. 7 പോയിന്റുള്ള സൗത്താംപ്ടൻ 16 ആം സ്ഥാനത്തും.
ആക്രമണ നിരയുടെ ഫോമില്ലാഴ്മയാണ് ന്യൂ കാസിലിന് വിനയായത്. മുട്ടോ നയിച്ച ആക്രമണ നിരക്ക് പന്തെത്തിക്കുന്നതിൽ മധ്യനിര തീർത്തും പരാജയപെട്ടപ്പോൾ മത്സരത്തിൽ സൗത്താംപ്ടൻ ഗോളിലേക്ക് ഒരു ഷോട്ട് പോലും പായികാൻ അവർക്കായില്ല. ക്യാപ്റ്റൻ ലാസെൽസ് നയിച്ച പ്രതിരോധത്തിന്റെ മിടുക്കാണ് അവർക്ക് ഒരു പോയിന്റ് എങ്കിലും നൽകിയത്. മറുവശത്ത് സൗത്താംപ്ടൻ ഇങ്സിലൂടെ ഏതാനും അവസരങ്ങൾ നേടിയെങ്കിലും ഫിനിഷിങിലെ പോരാഴ്മ അവർക്ക് വിനയായി.
