വീണ്ടും സോൺ രക്ഷ, ടോപ്പ് 4 വിടാതെ സ്പർസ്

- Advertisement -

ഹ്യുങ് മിൻ സോൺ വീണ്ടും സ്പർസിന്റെ രക്ഷകനായി. സമനിലയിലേക്ക് നീങ്ങിയ മത്സരത്തെ സോണിന്റെ ഏക ഗോളിൽ മറികടന്ന സ്പർസ് ടോപ്പ് 4 പോരാട്ടത്തിൽ തങ്ങളുടെ ഇരിപ്പ് കൂടുതൽ ഉറപ്പിച്ചു. ജയത്തോടെ 57 പോയിന്റുള്ള അവർ നിലവിൽ രണ്ടാം സ്ഥാനത്താണ്. എങ്കിലും നാളെ സിറ്റി ജയിച്ചാൽ സിറ്റി രണ്ടാം സ്ഥാനത്ത് തിരിച്ചെത്തും.

മാഞ്ചസ്റ്റർ സിറ്റിയെ മറികടന്ന ആത്മവിശ്വാസത്തോടെ എത്തിയ ബെനീറ്റസിന്റെ ന്യൂ കാസിൽ മികച്ച പ്രതിരോധമാണ് മത്സരത്തിന്റെ തുടക്കം മുതൽ നടത്തിയത്. ലോറൻറെയെ ബെഞ്ചിൽ ഇരുത്തി മോറയെ സ്‌ട്രൈക്കർ റോളിൽ കളിപ്പിച്ച സ്പർസിന്റെ തന്ത്രം തുടക്കം മുതൽ പാളി. രണ്ടാം പകുതി 10 മിനുട്ട് പിന്നിട്ടപ്പോൾ മോറക്ക് പകരം യോരന്റെയെ ഇറക്കിയത് അവർക്ക് ഗുണമായി. 83 ആം മിനുട്ടിൽ യോറന്റേയുടെ പാസ്സിൽ നിന്ന് സോൺ വിജയ ഗോൾ നേടുകയും ചെയ്തു.

24 പോയിന്റുള്ള ന്യൂ കാസിൽ പതിനാലാം സ്ഥാനത്താണ്.

Advertisement