ചാമ്പ്യൻഷിപ്പിൽ നിന്ന് ഈ സീസണിൽ പ്രൊമോഷൻ ഉറപ്പിക്കുന്ന രണ്ടാം ക്ലബായി ഷെഫീൽഡ് യുണൈറ്റഡ് മാറി. ഇന്ന് അവർ വെസ്റ്റ് ബ്രോമിനെ എതിരില്ലാത്ത രണ്ടു ഗോളുകൾക്ക് തോൽപ്പിച്ചതോടെയാണ് ഷെഫീൽഡ് യുണൈറ്റഡ് പ്രൊമോഷൻ ഉറപ്പിച്ചത്. ഇന്നത്തെ വിജയത്തോടെ ഷെഫീൽഡ് ചാമ്പ്യൻഷിപ്പിൽ രണ്ടാം സ്ഥാനത്ത് ഫിനിഷ് ചെയ്യും എന്ന് ഉറപ്പായി. 43 മത്സരങ്ങളിൽ നിന്ന് ഷെൽഫീൽഡിന് 85 പോയിന്റ് ഇപ്പോൾ ഉണ്ട്. മൂന്ന് മത്സരങ്ങൾ ശേഷിക്കെ ആണ് അവർക്ക് ലീഗ് യോഗ്യത ഉറപ്പിക്കൻ ആയത്.
2021ൽ ആയിരുന്നു അവസാനം ഷെഫീൽഡ് യുണൈറ്റഡ് പ്രീമിയർ ലീഗിൽ നിന്ന് റിലഗേറ്റ് ആയത്. ചാമ്പ്യൻഷിപ്പ് കിരീടം ഉറപ്പിച്ച ബേർൺലിയും നേരത്തെ പ്രൊമോഷൻ ഉറപ്പിച്ചിരുന്നു. ഇനി പ്ലേ ഓഫിലൂടെ ഒരു ക്ലബ് കൂടെ പ്രീമിയർ ലീഗിലേക്ക് എത്തും.
