ഇന്നലെ പരിക്കേറ്റ് പുറത്തായെങ്കിലും മൊഹമ്മദ് സലാ കരിയറിലെ ഒരു നാഴികക്കല്ല് ഇന്നലെ പിന്നിട്ടു. യൂറോപ്പ് ലീഗുകളിൽ 100 ഗോളുകൾ എന്ന നേട്ടത്തിലാണ് മൊഹമ്മദ് സലാ ഇന്നലെ എത്തിയത്. ന്യൂകാസിലിനെതിരെ ആണ് സലാ തന്റെ നൂറാം ലീഗ് ഗോൾ നേടിയത്. അഞ്ചു ക്ലബുകൾക്ക് വേണ്ടി യൂറോപ്പിൽ ഇതുവരെ സലാ കളിച്ചിട്ടുണ്ട്.
നൂറു ലീഗ് ഗോളുകളിൽ 54 ഗോളുകളും സലാ നേടിയത് ലിവർപൂളിനായാണ്. ഇറ്റാലിയൻ ക്ലബായ റോമയ്ക്ക് വേണ്ടി 29 ലീഗ് ഗോളുകളും സലാ നേടി. ഫിയൊറെന്റീനയ്ക്ക് വേണ്ടി 6, ചെൽസിക്ക് വേണ്ടി 2, ബാസലിനു വേണ്ടി 9 ഗോളുകളും സലാ നേടിയിട്ടുണ്ട്. ഇപ്പോൾ ഈ സീസണിൽ പ്രീമിയർ ലീഗിലെ ടോപ്പ് സ്കോറർ ആയ സലാ ഇത്തവണയും ഗോൾഡൻ ബൂട്ട് നേടുമെന്നാണ് പ്രതീക്ഷിക്കപ്പെടുന്നത്.
