പ്രീമിയർ ലീഗ് താരങ്ങൾ ഇനി വംശീയതക്ക് എതിരെ മുട്ടു കുത്തി നിൽക്കില്ല

ഇംഗ്ലീഷ് പ്രീമിയർ ലീഗ് ഫുട്ബോൾ കളിക്കാർ വരുന്ന സീസണിലെ എല്ലാ മത്സരങ്ങൾക്ക് മുമ്പും മുട്ടു കുത്തി നിൽക്കില്ല. അവസാന രണ്ടു വർഷമായി തുടരുന്ന വംശീയതക്ക് എതിരായ ഐക്യദാര്ഢ്യമായി നടത്തി വരുന്ന പ്രവർത്തി നിർത്താൻ ആണ് പ്രീമിയർ ലീഗ് താരങ്ങൾ തീരുമാനിച്ചിരിക്കുന്നത്. എല്ലാ മത്സരത്തിലും എന്നതിന് പകരം ചില പ്രത്യേക ദിവസങ്ങൾ തിരഞ്ഞെടുത്ത് ആകും ഇനി ക്നീൽ ചെയ്യുക എന്ന് പ്രീമിയർ ലീഗ് ക്ലബ് ക്യാപ്റ്റൻമാർ സംയുക്ത പ്രസ്താവനയിൽ പറഞ്ഞു.

ക്യാപ്റ്റൻമാരുടെ തീരുമാനത്തെ പിന്തുണയ്ക്കുന്നുവെന്നും കളിക്കാരുടെ സ്ലീവിൽ ഇതിനകം തന്നെ ഉള്ള “നൊ റൂം ഫോർ റേസിസം” എന്ന സന്ദേശം ഈ സീസണിലും തുടരും എന്ന് പ്രീമിയർ ലീഗ് അറിയിച്ചു. അമേരിക്കയിൽ ജോർജ്ജ് ഫ്‌ലോയിഡിൽ കൊല്ലപ്പെട്ടതിന് പിന്നാലെ ആയിരുന്നു 2020 ജൂൺ മുതൽ പ്രീമിയർ ലീഗ് കളിക്കാർ എല്ലാ കളിയുടെയും തുടക്കത്തിൽ മുട്ടുകുത്താൻ തുടങ്ങിയത്.

Story Highlights: All Premier League clubs have reached a decision to stop taking the knee before matches

Comments are closed.