ചെൽസിയുടെ പുതിയ മാനേജർ മൗറീഷ്യോ പോചറ്റിനോ കളിക്കാർ അവരുടെ സ്ഥാനത്തിനായി പോരാടണം എന്ന് മുന്നറിയിപ്പ് നൽകി. പോച്ചെറ്റിനോയുടെ അരങ്ങേറ്റ മത്സരത്തിൽ ലിവർപൂളിനെതിരെ ചെൽസി 1-1ന് സമനില വഴങ്ങിയിരുന്നു. അന്ന് ആദ്യ ഇലവനിൽ എത്താതിരുന്ന താരങ്ങളിൽ ചിലർ അവരുടെ ടീമിലെ സ്ഥാനത്തെ ഓർത്ത് നിരാശയിലാണെന്ന് റിപ്പോർട്ടുകൾ ഉണ്ടായിരുന്നു. അതിനോട് പ്രതികരിക്കുക ആയിരിന്നു പോചറ്റിനോ.
“കളിക്കാർ തങ്ങളുടെ സ്ഥാനത്തിനായി പോരാടാൻ ആഗ്രഹിക്കുന്നില്ലെങ്കിലും അവർക്ക് ടീമിന്റെ ഭാഗമായി തോന്നുന്നില്ല എങ്കിലും അവർക്ക് ക്ലബ് വിടാം, അവർക്ക് മുന്നിൽ വാതിൽ തുറന്നിരിക്കുന്നു,” പോചറ്റിനോ പറഞ്ഞു. അവസാന ഒരു വർഷത്തിനിടയിൽ ഒരു ബില്യണിൽ അധികം ചിലവഴിച്ച ചെൽസി സ്ക്വാഡ് വളരെ വലുതാണ്. പല താരങ്ങൾക്കും അവസരം കിട്ടാൻ സാധ്യതയില്ലെന്നാണ് ഫുട്ബോൾ നിരീക്ഷകരുടെ വിലയിരുത്തൽ. കഴിഞ്ഞ സീസണിലും ഒരു സ്ഥിരമായ ആദ്യ ഇലവൻ കണ്ടെത്താൻ മാനേജർമാർ പ്രയാസപ്പെട്ടിരുന്നു. പോചറ്റിനോക്ക് അതിൽ ഒരു മാറ്റം ഉണ്ടാക്കാൻ ആകും എന്ന് ചെൽസി ആരാധകർ വിശ്വസിക്കുന്നു.
