ലെസ്റ്റർ സിറ്റിക്കെതിരെ മാഞ്ചസ്റ്റർ യുണൈറ്റഡിന്റെ 3-0 വിജയത്തിന് ശേഷം സംസാരിച്ച മാനേജർ എറിക് ടെൻ ഹാഗ് തന്റെ ടീമിന്റെ കിരീട സാധ്യതകളെ കുറിച്ചുള്ള സംസാരത്തിൽ ഇപ്പോൾ ശ്രദ്ധ കൊടുക്കുന്നില്ല എന്ന് പറഞ്ഞു. ഓരോ മത്സരത്തിലും ശ്രദ്ധ കേന്ദ്രീകരിക്കുകയാണ് ഇപ്പോൾ വേണ്ടത് എന്ന് അദ്ദേഹം പറയുന്നു.
“ഞങ്ങൾ കിരീടത്തെ കുറിച്ച് ചിന്തിക്കുന്നില്ല, നാളെയെക്കുറിച്ചാണ് ഞങ്ങൾ ചിന്തിക്കുന്നത്,” ടെൻ ഹാഗ് പറഞ്ഞു. “നമ്മൾ സ്വയം മെച്ചപ്പെടണം, അതിനാണ് നമ്മൾ പ്രവർത്തിക്കേണ്ടത്. ഞങ്ങൾ ഫെബ്രുവരിയിലാണ്, സീസൺ അവസാനത്തേക്ക് ഇപ്പോൾ നോക്കേണ്ടതില്ല.” അദ്ദേഹം പറഞ്ഞു.
യുണൈറ്റഡ് ഇപ്പോൾ രണ്ടാം സ്ഥാനത്തുള്ള സിറ്റിയേക്കാൾ മൂന്ന് പോയിന്റ് പിന്നിലും ലീഗ് നേതാക്കളായ ആഴ്‌സണലിന് അഞ്ച് പോയിന്റ് പിന്നിലുമാണ്. ആരാധകരും പണ്ഡിറ്റുകളും ഒരുപോലെ യുണൈറ്റഡിന്റെ ലീഗ് കിരീട സാധ്യതകളെ കുറിച്ച് സംസാരിച്ചു തുടങ്ങിയിട്ടുണ്ട്. എന്നിരുന്നാലും, ടീമിന്റെ ശ്രദ്ധ അവരുടെ വരാനിരിക്കുന്ന മത്സരങ്ങളിൽ തുടരുമെന്ന് ടെൻ ഹാഗ് തറപ്പിച്ചുപറയുന്നു.
