പ്രീമിയർ ലീഗ് ചാമ്പ്യന്മാരാകാൻ മാഞ്ചസ്റ്റർ സിറ്റിയും ലിവർപൂളും, ഇന്ന് അന്തിമനാൾ!

  • സിറ്റി ഒരു പോയിന്റ് മാത്രം പിറകിൽ ലിവർപൂൾ,
  • സിറ്റി ആസ്റ്റൺ വില്ലയെയും ലിവർപൂൾ വോൾവ്സിനെയും നേരിടും
  • രണ്ട് മത്സരങ്ങളും രാത്രി 8.30ന്
  • ഇംഗ്ലീഷ് പ്രീമിയർ ലീഗിലെ കിരീട പോരാട്ടം ഇന്ന് തീരുമാനം ആകും. മാഞ്ചസ്റ്റർ സിറ്റിയോ അതോ ലിവർപൂളോ എന്ന ചോദ്യത്തിനുള്ള ഉത്തരം ഇന്ന് ലഭിക്കും. ലിവർപൂളിൾ മാഞ്ചസ്റ്റർ സിറ്റിക്ക് ഒരു പോയിന്റ് മാത്രം പിറകിൽ സിറ്റിയുടെ വീഴ്ച് കാത്തിരിക്കുകയാണ്. ലിവർപൂളിന് 37 മത്സരങ്ങളിൽ നിന്ന് 89 പോയിന്റും സിറ്റി 37 മത്സരങ്ങളിൽ നിന്ന് 90 പോയിന്റുമാണുള്ളത്. Img 20220516 125348

    ഇന്ന് അവസാന മത്സരത്തിൽ ലിവർപൂൾ ആൻഫീൽഡിൽ വെച്ച് വോൾവ്സിനെയും മാഞ്ചസ്റ്റർ സിറ്റി ഇത്തിഹാദ് സ്റ്റേഡിയത്തിൽ വെച്ച് ആസ്റ്റൺ വില്ലയെയും നേരിടും. വിജയം സിറ്റിക്ക് കിരീടം ഉറപ്പ് നൽകും. ലിവർപൂളിന് അവർ വിജയിക്കുകയും സിറ്റി വിജയിക്കാതിരിക്കുകയും വേണം കിരീടം നേടാൻ. സിറ്റിക്ക് ലിവർപൂളിനെക്കാൾ ഏറെ മെച്ചപ്പെട്ട ഗോൾ ഡിഫറൻസ് ഉള്ളതിനാൾ ഒരേ പോയിന്റിൽ ഇരു ടീമിലും എത്തുക ആണെങ്കിൽ കിരീടം സിറ്റി കൊണ്ട് പോകും.

    മുൻ ലിവർപൂൾ താരമായ ജെറാഡ് നയിക്കുന്ന ആസ്റ്റൺ വില്ല മാഞ്ചസ്റ്റർ സിറ്റിയെ തടയും എന്നും ലിവർപൂളിന് ഇരുപതാം ലീഗ് കിരീടം ഉറപ്പിക്കാൻ ആകും എന്നുമാണ് ലിവർപൂൾ ആരാധകർ വിശ്വസിക്കുന്നത്. ഇന്ന് കിരീടം സ്വന്തമാക്കാൻ ആയില്ല എങ്കിൽ ലിവർപൂളിന്റെ ക്വാഡ്രപിൾ സ്വപ്നത്തിനും വലിയ തിരിച്ചടിയാകും അത്.