മാഞ്ചസ്റ്റർ സിറ്റിയുടെ മധ്യനിര താരം ഫിൽ ഫോഡൻ ഇംഗ്ലീഷ് ക്യാമ്പ് വിട്ടു. ലണ്ടനിൽ അക്യൂട്ട് അപ്പെൻഡിസൈറ്റിസ് ബാധിച്ച് ശസ്ത്രക്രിയയ്ക്ക് വിധേയനായ ഫോഡൻ ഇപ്പോൾ വിശ്രമത്തിലാണ്‌. 21 കാരനായ താരം മാഞ്ചസ്റ്ററിലേക്ക് മടങ്ങി എത്തിയതായി ക്ലബ് അറിയിച്ചു. ഈ വാരാന്ത്യത്തിൽ ലിവർപൂളിനെതിരായ പ്രീമിയർ ലീഗ് മത്സരം ഫോഡന് നഷ്ടമാകും എന്ന് ക്ലബ് അറിയിച്ചു.
ഫോഡൻ എത്ര കാലത്തേക്ക് പുറത്ത് ഇരിക്കും എന്ന് ഇപ്പോഴും വ്യക്തമല്ല, പക്ഷേ മാഞ്ചസ്റ്റർ സിറ്റി ആരാധകർ വേഗത്തിൽ ഫോഡൻ തിരികെ വരുമെന്ന പ്രതീക്ഷിക്കുന്നു. കൂടി വന്നാൽ രണ്ട് ആഴ്ച മാത്രമെ ഫോഡൻ പുറത്തിരിക്കൂ എന്നാണ് സൂചന. പ്രീമിയർ ലീഗ് കിരീട പോരാട്ടത്തിൽ മാഞ്ചസ്റ്റർ സിറ്റിക്ക് നിർണായകമായ പോരാട്ടങ്ങൾ മുന്നിൽ ഉണ്ട്.
