പെപ് ഗാർഡിയോള മാഞ്ചസ്റ്റർ സിറ്റിയിൽ രണ്ടു വർഷം കൂടി തുടരും എന്നു ഇംഗ്ലീഷ് മാധ്യമം ദ അത്ലറ്റിക് റിപ്പോർട്ട് ചെയ്യുന്നു. നിലവിൽ 2022/2023 സീസൺ അവസാനം സിറ്റിയിൽ ഗാർഡിയോളയുടെ കരാർ അവസാനിക്കും. നിലവിൽ അബുദാബിയിൽ ഉള്ള ഗാർഡിയോള പുതിയ കരാറിൽ ഒപ്പ് വക്കാൻ മാഞ്ചസ്റ്റർ സിറ്റി ഉടമകളോട് സമ്മതം മൂളി എന്നാണ് റിപ്പോർട്ട്.
ഇതോടെ 2025 വരെ സൂപ്പർ പരിശീലകൻ സിറ്റിയിൽ തുടരും. 2016 ൽ സിറ്റിയിൽ എത്തിയ 51 കാരനായ ഗാർഡിയോള അതിനു ശേഷം നാലു വീതം പ്രീമിയർ ലീഗ്, ലീഗ് കപ്പ് ഒരു എഫ്.എ കപ്പ് കിരീടങ്ങൾ അവർക്ക് ആയി നേടി നൽകിയിരുന്നു. ബാഴ്‌സലോണയിൽ സാധിച്ച പിന്നീട് ബയേണിലും ഇപ്പോൾ സിറ്റിയിലും ആവർത്തിക്കാൻ ആവാത്ത ചാമ്പ്യൻസ് ലീഗ് കിരീടം തന്നെയാണ് ഗാർഡിയോള ഇനിയും ലക്ഷ്യം വക്കുന്നത്.
