ഓസ്കാർ ബോബ് മാഞ്ചസ്റ്റർ സിറ്റിയുമായി പുതിയ മൂന്ന് വർഷത്തെ കരാറിൽ ഒപ്പുവച്ചു. 2029 വേനൽക്കാലം വരെ താരം ക്ലബ്ബിൽ തുടരും. നോർവീജിയൻ ടീമായ വലെറെംഗയിൽ നിന്ന് 2019ൽ ആണ് ബോബ് സിറ്റിയിൽ എത്തിയത്‌. യുവനിരക്ക് ഒപ്പം കളിച്ചു വളർന്ന അറ്റാക്കിംഗ് മിഡ്‌ഫീൽഡർ കഴിഞ്ഞ വേനൽക്കാലത്ത് ആണ് ഫസ്റ്റ് ടീം സ്ക്വാഡിലേക്ക് ഉയർത്തപ്പെടുന്നത്‌.
20-കാരൻ സിറ്റിക്ക് ആയി പ്രീമിയർ ലീഗിലും ചാമ്പ്യൻസ് ലീഗിലും അരങ്ങേറ്റം കുറിക്കുകയുൻ ഗോൾ നേടുകയും ചെയ്തിട്ടുണ്ട്.023 ൻ്റെ അവസാനത്തിൽ യുവേഫ സൂപ്പർ കപ്പും ഫിഫ ക്ലബ് ലോകകപ്പും ഉയർത്തിയ സിറ്റി ടീമിലും ബോബ് ഉണ്ടായിരുന്നു.
നോർവീജിയൻ ഇൻ്റർനാഷണൽ ഇതുവരെ 16 തവണ സിറ്റിക്കായി കളിച്ചു. രണ്ട് തവണ സ്കോർ ചെയ്യുകയും രണ്ട് അസിസ്റ്റുകൾ നൽകുകയും ചെയ്തു.
