വെസ്റ്റ് ഹാം ക്യാപ്റ്റൻ മാർക് നോബിളിന്റെ കരാർ വെസ്റ്റ് ഹാം പുതുക്കി. നോബിളിന്റെ കരാറിൽ ഒരു വർഷം കൂടെ നീട്ടാനുള്ള ഓപ്‌ഷൻ ക്ലബ്ബ് ആക്റ്റീവ് ആക്കുകയായിരുന്നു. ഇതോടെ താരം 2021 വരെ ഹാമേഴ്സിൽ തുടരും.
ക്ലബ്ബിന്റെ വരാനിരിക്കുന്ന നല്ല നാളുകളിൽ ഭാഗമാവാൻ സാധിക്കുന്നതിൽ സന്തോഷമുണ്ടെന്ന് താരം പ്രതികരിച്ചു. 31 വയസുകാരനായ നോബിൾ തന്റെ 13 ആം വയസ് മുതൽ വെസ്റ്റ് ഹാമിന്റെ ഭാഗമാണ്. മധ്യനിര താരമാണ് നോബിൾ. ക്ലബ്ബിനായി 446 മത്സരങ്ങൾ കളിച്ച താരമാണ് നോബിൾ.
