മാഞ്ചസ്റ്റർ യുണൈറ്റഡ് പരിശീലകൻ ജോസ് മൗറീഞ്ഞോ തനിക്ക് വലിയ പ്രചോദനം ആണെന്ന് വോൾവ്സ് പരിശീലകൻ നുനോ എസ്പിരിറ്റോ സാന്റോ. പോർട്ടോയിൽ മൗറീഞ്ഞോക്ക് കീഴിൽ കളിച്ച സാന്റോ ഓൾഡ് ട്രാഫോഡിൽ അദ്ദേഹത്തെ നേരിടാനിരിക്കെയാണ് തന്റെ പഴയ ബോസിന് പ്രശംസയുമായി എത്തിയത്.
നേരത്തെ സാന്റോക്ക് പ്രശംസയുമായി മൗറീഞ്ഞോ രംഗത്ത് വന്നിരുന്നു. സാന്റോയുടെ നേട്ടങ്ങളെ മൗറീഞ്ഞോ വാനോളം പുകഴ്ത്തിയിരുന്നു. ഇതിന് മറുപടിയായി നന്ദിയും സാന്റോ പറഞ്ഞു. പക്ഷെ ഓൾഡ് ട്രാഫോഡിലെ പോരാട്ടം തങ്ങൾ തമ്മിലുള്ളതല്ലെന്നും മികച്ച രണ്ട് ടീമുകളുടെ പോരാട്ടമാണെന്നും സാന്റോ കൂട്ടിച്ചേർത്തു.
