ഇംഗ്ലീഷ് പ്രീമിയർ ലീഗിൽ ലിവർപൂളിന് ആയി റെക്കോർഡ് പുസ്തകങ്ങളിൽ സാക്ഷാൽ സ്റ്റീവൻ ജെറാർഡിനു ഒപ്പമെത്തി മുഹമ്മദ് സലാഹ്. പ്രീമിയർ ലീഗ് ചരിത്രത്തിൽ ലിവർപൂളിന് ആയി 50 തിൽ അധികം ഗോളുകളും അസിസ്റ്റുകളും നേടുന്ന രണ്ടാമത്തെ താരമായി സലാ മാറി.
ആസ്റ്റൺ വില്ലക്ക് എതിരെ ആദ്യ ഗോൾ നേടിയ സലാ വാൻ ഡൈകിന്റെ രണ്ടാം ഗോളിന് അവസരം ഒരുക്കുക ആയിരുന്നു. ലിവർപൂളിന് ആയുള്ള സലായുടെ അമ്പതാം അസിസ്റ്റ് ആയിരുന്നു ഇത്. പ്രീമിയർ ലീഗിൽ 125 ഗോളുകളും 50 അസിസ്റ്റുകളും സലായുടെ പേരിൽ ഉണ്ട്. ലിവർപൂളിന് ആയി പ്രീമിയർ ലീഗിൽ 120 ഗോളുകളും 92 അസിസ്റ്റുകളും ആണ് സ്റ്റീവൻ ജെറാർഡിന്റെ നേട്ടം.
