കുതിപ്പ് തുടരാൻ സിറ്റി ഇന്ന് വോൾവ്സിനെതിരെ

- Advertisement -

ആദ്യ 2 മത്സരങ്ങളും ജയിച്ചു പ്രീമിയർ ലീഗ് ഈ സീസണിലും ഗംഭീരമാകുന്ന മാഞ്ചസ്റ്റർ സിറ്റി ഇന്ന് വോൾവ്സിനെ നേരിടും. വോൾവ്സിന്റെ മൈതാനത്ത് ഇന്ന് ഇന്ത്യൻ സമയം വൈകിട്ട് 5 നാണ് മത്സരം കിക്കോഫ്.

വോൾവ്സ് നിരയിൽ വിങ് ബാക്ക് മാറ്റ് ഡോഹെർത്തി പരിക്ക് കാരണം കളിച്ചേക്കില്ല. പുതുതായി ടീമിൽ എത്തിയ അഡമ ട്രയോറെ ഇന്ന് അരങ്ങേറിയേക്കും. സിറ്റി നിരയിൽ പരിക്കേറ്റ ക്ലാഡിയോ ബ്രാവോക്ക് പകരം ലോണിൽ നിന്ന് തിരിച്ചു വിളിച്ച ആറോ മ്യുറിക് ആവും ബെഞ്ചിൽ.

പോയ സീസണിൽ ലീഗ് കപ്പിൽ 2 തവണ ഇരു ടീമുകളും ഏറ്റു മുട്ടിയപ്പോൾ പെനാൽറ്റി ഷൂട്ട് ഔട്ടിൽ സിറ്റിക്കായിരുന്നു ജയം. സെർജിയോ അഗ്യൂറോ, ബെഞ്ചമിൻ മെൻഡി എന്നിവർ സിറ്റി നിരയിൽ മികച്ച ഫോമിലാണ്. വോൾവ്സ് നിരയിൽ റൂബൻ നെവെസ് മികച്ച ഫോമിലാണ്.

Advertisement