പ്രീമിയർ ലീഗിൽ മാഞ്ചസ്റ്റർ യുണൈറ്റഡ് താരം യുവാൻ മാറ്റ ഇന്ന് 50 ഗോളുകളും 50 അസിസ്റ്റും പൂർത്തിയാക്കി. എന്ന നേട്ടത്തിൽ എത്തി. ഇന്ന് ഫുൾഹാമിനെതിരായ മത്സരത്തിലാണ് മാറ്റ ഈ നേട്ടങ്ങളിൽ എത്തിയത്. ആദ്യ പകുതിയിൽ റാഷ്ഫോർഡിന്റെ പാസിൽ നിന്ന് ഒരു ഇടം കാലൻ ഫിനിഷിലൂടെ ആയിരുന്നു 50ആമത്തെ ഗോൾ വന്നത്. പ്രീമിയർ ലീഗിൽ 50 ഗോളുകൾ നേടുന്ന അഞ്ചാമത്തെ സ്പാനിഷ് താരം മാത്രമാണ് മാറ്റ.
ഇന്നത്തെ മത്സരത്തിൽ തന്നെ ലുകാകുവിന്റെ ഗോളിന് വഴിയൊരുക്കിയാണ് മാറ്റ 50ആം അസിസ്റ്റ് പൂർത്തിയാക്കിയത്. പ്രീമിയർ ലീഗിൽ 50 അസിസ്റ്റുകൾ നേടുന്ന മൂന്നാമത്തെ സ്പാനിഷ് താരം മാത്രമാണ് മാറ്റ. ഇതിനു മുമ്പ് ഫാബ്രിഗസ്, സിൽവ എന്നിവരെ ഈ നേട്ടം കൈവരിച്ചിട്ടുള്ളു. ചെൽസിക്കു വേണ്ടിയും മാറ്റ മുമ്പ് ഇംഗ്ലീഷ് ലീഗിൽ കളിച്ചിട്ടുണ്ട്‌.
