മാഞ്ചസ്റ്റർ യുണൈറ്റഡിന്റെ നീണ്ട പരിക്കേറ്റവരുടെ ലിസ്റ്റിലേക്ക് ഒരു താരം കൂടെ. മേസൺ മൗണ്ട് ആണ് ഇപ്പോൾ പരിക്കേറ്റ് പുറത്തായിരിക്കുന്നത്. താരം ഒരു മാസത്തോളം പുറത്തിരിക്കും എന്ന് റിപ്പോർട്ടുകൾ ഉണ്ട്. ഗുഡിസൺ പാർക്കിൽ എവർട്ടനെതിരായ ഞായറാഴ്ചത്തെ മത്സരത്തിൽ മേസൺ മൗണ്ട് ഉണ്ടാകില്ല എന്ന് എറിക് ടെൻ ഹാഗ് സ്ഥിരീകരിച്ചു.
മാഞ്ചസ്റ്റർ യുണൈറ്റഡിൽ ഇതിനകം തന്നെ ഏറെ പേർ പരിക്കേറ്റ് പുറത്താണ്. മധ്യനിരയിൽ തന്നെ കാസെമിറോയും എറിക്സണും പരിക്കേറ്റ് പുറത്താണ്. ഈ അവസരത്തിൽ മൗണ്ടിന്റെ പരിക്ക് മാഞ്ചസ്റ്റർ യുണൈറ്റഡിനെ അലട്ടും. മാഞ്ചസ്റ്റർ യുണൈറ്റഡ് നിരയിൽ ലിസാൻഡ്രോ, മലാസിയ, ഹൊയ്ലണ്ട് തുടങ്ങി നിരവധി താരങ്ങൾ ഇപ്പോഴും പരിക്കിന്റെ പിടിയിലാണ്‌.
മേസൺ മൗണ്ട് ഈ സീസൺ തുടക്കത്തിൽ ആയിരുന്നു ചെൽസി വിട്ട് മാഞ്ചസ്റ്റർ യുണൈറ്റഡിൽ എത്തിയത്. ഇതുവരെ മൗണ്ടിന് യുണൈറ്റഡിൽ ഫോം കണ്ടെത്താൻ ആയിട്ടില്ല.
