മാഞ്ചസ്റ്റർ യുണൈറ്റഡ് താരം മേസൺ മൗണ്ടിന് വീണ്ടും പരിക്ക്. ബ്രൈറ്റണ് എതിരായ മത്സരത്തിൽ പരിക്കേറ്റ മിഡ്ഫീൽഡർ മേസൺ മൗണ്ട് ഏതാനും ആഴ്ചകൾ കളിക്കളത്തിൽ നിന്ന് വിട്ടുനിൽക്കും. കഴിഞ്ഞ കാമ്പെയ്‌നിലും പരിക്ക് മേസൺ മൗണ്ടിനെ ഏറെ അലട്ടിയിരുന്നു. ഈ സീസണിലും അതിന്റെ തുടർച്ചയാണ് കാണുന്നത്.
ബ്രൈറ്റണ് എതിരായ മത്സരത്തിൽ ആദ്യ പകുതിയിൽ പരിക്കേറ്റ മുൻ ചെൽസി താരം രണ്ടമ പകുതിയിൽ ഇറങ്ങിയിരുന്നില്ല. ഏകദേശം നാലോ അഞ്ചോ ആഴ്‌ചത്തേക്ക് അദ്ദേഹം പുറത്തിരിക്കും. ഇതോടെ ലിവർപൂളിന് എതിരെ ജോഷ്വ സിർക്‌സി ആദ്യ ഇലവനിൽ എത്തും എന്ന് പ്രതീക്ഷിക്കപ്പെടുന്നു.
മാഞ്ചസ്റ്റർ യുണൈറ്റഡിന്റെ ലിവർപൂൾ, സതാമ്പ്ടൺ, ബാർൺസ്ലി, ക്രിസ്റ്റൽ പാലസ്, ടോട്ടനം, ആസ്റ്റൺ വില്ല എന്നിവർക്ക് എതിരായ മത്സരങ്ങൾ മൗണ്ടിന് നഷ്ടമാകും.
