ന്യൂകാസിൽ യുണൈറ്റഡ് ഗോൾ കീപ്പറെ സ്വന്തമാക്കാൻ മാഞ്ചസ്റ്റർ യുണൈറ്റഡിന്റെ ശ്രമം

ന്യൂകാസിൽ യുണൈറ്റഡ് ഗോൾകീപ്പർ ആയ മാർട്ടിൻ ഡുബ്രൊകയെ സ്വന്തമാക്കാൻ ആയി മാഞ്ചസ്റ്റർ യുണൈറ്റഡ് ശ്രമം. യുണൈറ്റഡ് ഡുബ്രൊകയ്ക്ക് ആയി ആദ്യ ബിഡ് സമർപ്പിച്ചതായി ഫബ്രിസിയോ റൊമാനോ റിപ്പോർട്ട് ചെയ്യുന്നു. യുണൈറ്റഡ് ഡിഹിയക്ക് പിറകിൽ രണ്ടാം ഗോൾ കീപ്പർ ആയാണ് ഡുബ്രൊകെയെ തേടുന്നത്. ലോൺ കരാറിൽ താരത്തെ വിട്ടു നൽകാൻ ന്യൂകാസിൽ തയ്യാറാണ്.

യുണൈറ്റഡ് ഫ്രാങ്ക്ഫർട് ഗോൾകീപ്പർ കെവിൻ ട്രാപ്പിനായി ശ്രമിച്ചിരുന്നു എങ്കിലും അത് നടക്കാനുള്ള സാധ്യത കുറഞ്ഞത് കൊണ്ട് ഡുബ്രകയിലേക്ക് നീങ്ങിയിരിക്കുകയാണ്. 32കാരനായ താരം അവസാന നാലു വർഷമായി ന്യൂകാസിൽ യുണൈറ്റഡിന് ഒപ്പം ഉണ്ട്. സ്ലൊവാക്യ ദേശീയ ടീമിനായി 2014 മുതൽ കളിക്കുന്ന താരമാണ് ഡുബ്രക. ഇപ്പോൾ മാഞ്ചസ്റ്റർ യുണൈറ്റഡിൽ ഡിഹിയക്ക് പിറകിൽ ഹീറ്റൺ മാത്രമാണ് സീനിയർ ഗോൾ കീപ്പറായി ഉള്ളത്.